Mënyra për të bërë mësimdhënien më efektive

Me propozim të Këshillit të Sigurimin e Cilësisë së SHLPB dhe në bashkëpunim me Zyrën e Burimeve Njerëzore, u organizua më 30 prill 2015 seminari mbi “Mënyra për të bërë mësimdhënien më efektive”.

Seminari në të cilin morën pjesë anëtarët e personelit akademik të institucionmit, u drejtuar nga Dr. Çlirim Toci.

Seminari u organizua në mënyrë interaktive duke siguruar shkëmbimin e informacionit mbi temat në diskutim.

Lektori paraqiti në mënyrë të detajuar teknika që konsiderohen të nevojshme për të siguruar një mësimdhënie efektive duke u përqendruar si në rëndësinë e përgatitjes paraprake ashtu dhe në teknikat e përdoruara gjatë mësimdhënies.

Më konkretisht temat që u diskutuan ishin rëndësia e tërheqjes së studentëve që në fillim të mësimit, rëndësia e organizimit dhe përgatitjes paraprake, rëndësia e një leksioni interaktiv, mënyrat e përdorimit të teknologjisë dhe rëndësia e saj, si dhe rëndësia e marrjes së vlerësimit dhe mendimit të studentëve.

U theksua sidomos fakti se studentët mbeten qendra kryesore e mësimit, rrjedhimit njohja e tyre ka një rëndësi të madhe sikurse dhe fakti se leksioni duhet të jëtë sa më interaktiv duke siguruar përfshirjen e tyre.

Një aspekt tjetër me interes, ishte rëndësia dhe positiviteti i ndryshimit. Në këtë drejtim rekomandimi  ishte rinovimi i vazhdueshëm i teknikave të mësimdhënies, duke mos mbetur në formatin e testuar, por të provohen strategji dhe mënyra të reja të cilat sigurojë efektivitet më të lartë.

Seminari u ndoq me interes nga pjesëmarrësit.